:: www.maibhaas.com - ಭಾರತ್ ಉಬ್ತೆ ಅಸಾ, ವಿಗ್ಯಾನಾಚೆ ಪಾಕಾಟೆ ಧರುನ್... ::

ಬರಯ್ಣಾರಾ ವಿಶಿಂ ಜಾಣಾ ಜಾ...

6/29/2016
ಸ್ಟ್ಯಾನಿ ಬೆಳಾ

ಕೊಂಕ್ಣಿ, ಕನ್ನಡ, ತುಳು , ಮಲಯಾಳಂ, ಇಂಗ್ಲಿಶ್, ಹಿಂದಿ ಭಾಸಾಂನಿ ಆಸ್ಚೆಂ ಗಿರೇಸ್ತ್ ಸಾಹಿತ್ಯ್ ವಾಚುನ್, ವಾಡೊನ್ ಆಸ್ಚ್ಯಾ ಸ್ಟ್ಯಾನಿನ್, ಆಜ್ ಮೆರೆನ್ ಕೊಂಕ್ಣಿ ಆನಿ ಕನ್ನಡ ಭಾಶೆಂತ್ 25 ವಯ್ರ್ ಮಟ್ವ್ಯೊ ಕಾಣಿಯೊ ಬರಯ್ಲ್ಯಾತ್. ಮಲಯಾಳಂ ಭಾಶೆಥಾವ್ನ್ ಜಾಯ್ತ್ಯೊ ಕಾಣಿಯೊ ಕೊಂಕ್ಣೆಕ್ ತರ್ಜಣ್ ಕೆಲ್ಯಾತ್. 50 ವಯ್ರ್ ಕವಿತಾ ತಶೆಂ 100 ಲಾಗಿಂ ಲೇಕನಾಂ ಬರಯ್ಲ್ಯಾಂತ್. ನಾಟಕ್ ಆನಿ ಕಾವ್ಯಾಚೆರ್ ತಾಣೆ ವಿಮರ್ಶಾತ್ಮಕ್ ಲೇಕನಾಂ ತಶೆಂ ರಾಜಕೀಯ್ ವಿಶ್ಲೇಷಣಾಂ ಬರಯ್ಲ್ಯಾಂತ್. ತಾಚಿಂ ಬರ್ಪಾಂ ರಾಕ್ಣೊ, ದಿವೊ, ಕುಟಾಮ್, ಯುವ ಮೆಟಾಂ, ಬೆಳಾಚೊ ದಿವೊ, ಮಹಿಮಾ, ಆಮ್ಚೊ ಯುವಕ್ ಆನಿ ಆರ್ಸೊ ಹ್ಯಾ ಕೊಂಕ್ಣಿ ಪತ್ರಾಂನಿ, ಕರಾವಳಿ ಕನ್ನಡ ಪತ್ರಾರ್ ತಶೆಂ ಕವಿತಾ.ಕೊಮ್, ಉಜ್ವಾಡ್.ಕೊಮ್ ಆನಿ ಕಿಟಾಳ್.ಕೊಮ್ ಹ್ಯಾ ಜಾಳಿಜಾಗ್ಯಾಂನಿ ಫಾಯ್ಸ್ ಜಾತೆ ಆಸಾತ್. "ಓಟ", "ಕಾರುಣ್ಯ ಮಾತೆ-ಅಮ್ಮ ತೆರೇಸಾ" ಆನಿ "ಘರ್ಚ್ಯಾ ವಾಟೆರ್" ಮ್ಹಳ್ಳ್ಯಾ ಆಪ್ಣಾಚ್ಯಾಚ್ ನಾಟಕಾಂಕ್ ಸಂಗೀತ್ ಆನಿ ನಿರ್ದೇಶನ್ ದಿಲ್ಯಾ. "ಏಕ್ ಅಸ್ಲ್ಯಾರ್ ಏಕ್ ನಾ" ಮ್ಹಳ್ಳ್ಯಾ ಕೊಂಕಣಿ ಪಿಂತುರಾಚೊ ಸಹ-ನಿರ್ದೇಶಕ್. 2014 ವ್ಯಾ ವರ್ಸಾಚೊ ಕಿಟಾಳ್ ಪುರಸ್ಕಾರ್ ಲಾಭ್ಲಾ, ನಮಾನ್ ಬಾಳೊಕ್ ಜೆಜು ಮಹಿನ್ಯಾಳೆಚ್ಪ್ ಗೌರವ್ ಸಂಪಾದಕ್ ಜಾಂವ್ಚೆಂ ಭಾಗ್ ಲಾಭ್ಲಾ.

80.5

User Rating

20 ಉಪಗ್ರಹಾಂಕ್ ಏಕ್‍ಚ್ ಪಾವ್ಟಿಂ ಆಕಾಸಾ ಭಾಯ್ರ್ ಧಾಡ್ನ್ ಆಮ್ಚ್ಯಾ ಇಸ್ರೊನ್ ನವೊ ಏಕ್ ಧಾಕ್ಲೊ ರಚ್ಲಾ. ಭಾರತಾನ್ ಅಸಲೆಂ ಏಕ್ ಪ್ರೇತನ್ ಕರ್ಚೆಂ ಹೆಂ ಪಯ್ಲೆಂ ಪಾವ್ಟಿಂ. ಹಾಚ್ಯಾಕ್‍ಯೀ ಪಯ್ಲೆಂ ಅಮೇರಿಕಾ ಆನಿ ರಶ್ಯಾ ಹ್ಯಾ ಪ್ರೇತನಾಂತ್ ಸುಫಲ್ ಜಾಲ್ಲಿಂ ಹೆರ್ ರಾಶ್ಟ್ರಂ ಜಾವ್ನಾಸಾತ್.

1969 ಇಸ್ವೆಂತ್ ಜಲ್ಮ್ ಘೆತ್‍ಲ್ಲೆಂ ಇಸ್ರೊ(ISRO) ಪಡೊನ್, ಉಟೊನ್, ಚಲೊನ್ ಅತಾಂ ಸಲೀಸ್ ಜಾವ್ನ್ ಅನಿ ನಿರ್ದಿಷ್ಟ್ ವೆಗಾನ್ ಮುಕಾರ್ ಧಾಂವ್ತೆ ಅಸಾ. 2008ವ್ಯಾ ವರ್ಸಾಂಚೆ 'ಚಂದ್ರ್ ಯಾನ್', 2013ವ್ಯಾ ಇಸ್ವೆಂತ್ಲೆ 'ಮಂಗಳ್ ಯಾನ್' ತಸಲ್ಯಾ ಯಶಸ್ವೆ ಯೋಜನಾಂ ಮಾರಿಫಾತ್ ಖಗೋಳ್ ವಿಗ್ಯಾನ್ ಸಂಸಾರಾಚೆಂ ಗುಮಾನ್ ಇಸ್ರೋನ್ ಆಪ್ಣಾಶಿಂ ವೊಡಿಶೆಂ ಕೆಲೆಂ, ಮಂಗಳ್ ಯಾನ ವೆಳಾರ್ ಉಬ್ಜಾಲ್ಲೊ ವಿವಾದ್, ಉಪ್ರಾಂತ್ ಘಡ್‍ಲ್ಲ್ಯೊ ಘಡ್ಬಡ್ಯೊ ಅನಿ ಅಖ್ರೇಕ್ ಜೊಡ್‍ಲ್ಲಿ ಯಶಸ್ವಿ ಇಸ್ರೋಚೆಂ ಸ್ವ-ಧೈರ್ ವಾಡ್ಚ್ಯಾಕ್ ಕಾರಣ್ ಅನಿ ಸಮಾನ್ ಸಾಹಸಾಂಕ್ ಹಾತ್ ಘಾಲ್ಚ್ಯಾಕ್ ಪ್ರೇರಣ್ ಜಾಲೆಂ ಮ್ಹಣ್ಯೆತ್. ಪಯ್ಲ್ಯಾ ಪ್ರೇತನಾಂತ್‍ಚ್ ಮಂಗಳ್ ಯಾನಥಂಯ್ ಯಶಸ್ವಿ ಜೊಡ್‍ಲ್ಲೊ ದೇಶ್ ಮ್ಹಳ್ಳೆಂ ನಾಂವ್ ಅಪ್ಣಾಚೆಂ ಕರ್ನ್ ಘೆಂವ್ಚ್ಯಾಕ್ ತವಳ್ ಭಾರಾತಕ್ ಸಾಧ್ಯ್ ಜಾಲ್ಲೆಂ. 2015 ಇಸ್ವೆಂತ್ಲೆಂ ಆಸ್ಟೋಸ್ಯಾಟ್, ಹ್ಯಾಚ್ ಮೇ ಮಹಿನ್ಯಾಂತ್ ಚಲಯ್ಲೆಂ ಸ್ಪೇಸ್ ಶಟಿಲ್ಲಾಚೆಂ ಪ್ರಾಯೋಗಿಕ್ ಉಡ್ಡಾವಣ್ ಇಸ್ರೋಕ್ ವಿಶೇಸ್ ನಾಂವ್ ಜೋಡ್ನ್ ದೀಂವ್ಕ್ ಸಕ್ಲೆಂ. ಅತಾಂ ಸಂಪೂರ್ಣ್ ಪಾತ್ಯೆಣೆಕ್ ಯೋಗ್ಯ್ ಮ್ಹಣ್ ನಾಂವ್ ವೆಲ್ಲ್ಯಾ ಪಿ.ಎಸ್.ಎಲ್.ವಿ ಉಪಗ್ರಹ್ ವಾಹಕ್ ವಾಹನಾಚಾ ಮಜತೆನ್ ವೀಸ್ ಉಪಗ್ರಹಚೆಂ ಉಡ್ಡಾವಣ್ ಕರುನ್ ಇಸ್ರೋನ್ ಆಪ್ಲಿ ಶಾತಿ ಸಂಸಾರಾಕ್ ದಾಕವ್ನ್ ದಿಲ್ಯಾ.

1975 ಇಸ್ವೆಂತ್ ಭಾರತಾಚೆಂ ಪಯ್ಲೆಂ ಉಪಗ್ರಹ್ ಜಾವ್ನಾಸ್ಲ್ಯಾ 'ಆರ್ಯಭಟ'ಚೆಂ ಉಡ್ಡಾವಣ್ ಸೋವಿಯಟ್ ಯೂನಿಯನಾಚಾ ಸೆಟಲೈಟ್ ಉಡ್ಡಾವಣ್ ಕೇಂದ್ರಥಾವ್ನ್ ಜಾಲ್ಲೆಂ. ವಿಕ್ರಂ ಸಾರಾಭಾಯಿಚ್ಯಾ ಮುಖೇಲ್ಪಣಾಖಾಲ್ ಅನಿ ಸೋವಿಯಟ್ ಯೂನಿಯನಾಚಾ ಆಧಾರಾಖಾಲ್ ತವಳ್ ಭಾರತಾನ್ ಬಾಹ್ಯಾಕಾಶ್ ಸಂಸೋಧನಾಕ್ ಸುರ್ವಾತ್ ದಿಲ್ಲಿ. ಹ್ಯಾ ಸುರ್ವಾತೆ ಥಾವ್ನ್ ಭಾರತ್ ಸ್ವಂತ್ ಪಾಯಾನಿಂ ಉಬೆಂ ರಾವೊಂಕ್ ಸಕ್ತಾನಾ ಹಾಕಾ ಆಡ್ ವಣದ್ ಬಾಂದುಂಕ್ ಅಮೇರಿಕಾನ್ ಜಾಯ್ತಿಂ ಪ್ರೇತನಾಂ ಕೆಲ್ಲಿಂ ಮ್ಹಳ್ಳೆಂಯ್ ಗಮನಾರ್ಹ್ ಜಾವ್ನಾಸಾ. 'ಕ್ರಯೋಜನಿಕ್' ಮ್ಹಳ್ಳಿ ತಾಂತ್ರಿಕ್ ವಿದ್ಯಾಚಿ ನಿರಾಕರ್ಣಿ ಅನಿ ಜಾಯ್ತ್ಯಾ ವರ್ಸಾಂಚೊ ವೈಗ್ಯಾನಿಕ್ ನಿಷೇಧ್ ಫುಡ್ ಕರಿಜೆ ಪಡ್ಲ್ಯಾರೀ ಇಸ್ರೊನ್ ಆಪ್ಲೆಂ ಧೈರ್ ಸಾಂಡ್‍ಲ್ಲೆಂ ನಾ. ಅಸಲ್ಯಾ ಸಂಗ್ತಿಂನಿಂ ಇಸ್ರೊಚಾ ವಿಗ್ಯಾನಿಂಕ್ ಸ್ವಂತ್ ಅನಿ ಸ್ವತಂತ್ರ್ ಮ್ಹಳ್ಳ್ಯಾ ವಿಶಯಾಂಚೆರ್ ಚಿಂತಿಶೆಂ ಕೆಲೆಂ. ಹಾಂಗಾಚಾ ವಿಗ್ತಾನಿಂನಿ ಅವ್ಮಾನ್, ನಿರಾಕರ್ಣಿ, ನಿಷೇಧ್ - ಹೆಂ ಸರ್ವ್ ಸೊಸುನ್ ವ್ಹರ್ನ್ ಎಕೇಕ್ ಕೌಂಟ್ ಡೌನ್ ಸಂಪಯಿಲ್ಲೆ. ಹಾಂತು ಸಲ್ವಣಿ ಚಿಮ್ಟಿ ಮಾತ್.

ಭಾರತಾಕ್ ಕಿತೆಂ ಉಪಯೋಗ್?

PSLV ಮುಖಾಂತ್ರ್ ಎಕಾಚ್ ವೆಳಾರ್ ವೀಸ್ ಉಪಗ್ರಹಂಚೆ ಉಡ್ಡಾವಣ್, ಭಾರತಾಕ್ ವ್ಯವಹಾರಿಕ್ ಉಡ್ಡಾವಣ್ ಬಜಾರಾಂತ್ ವಿಶೇಸ್ ಸಕತ್ ಜಾವ್ನ್ ಅನಿ ಪಾತ್ಯೆಣೆಚೆಂ ವಾಹಕ್ ಕೇಂದ್ರ್ ಜಾವ್ನ್ ರೂಪಿತ್ ಕರ್ಚ್ಯಾಕ್ ಉಪ್ಕಾರಿ ಜಾಲಾಂ ಮ್ಹಣ್ಯೆತ್. ಹಾಂತುನ್ ಅಮೇರಿಕಾಚಿಂ 13 ಉಪಗ್ರಹಾಂ ಅಸಾತ್. 2016 ಅಖೇರ್ ಜಾಂವ್ಚೆ ಪಯ್ಲೆಂ ಅಸಲಿಂ 70 ಸ್ಯಾಟ್ಲೈಟಾಂ ಅಕಾಸಾ ಭಾಯ್ರ್ ಸೊಡ್ಚೆಂ ಯೋಜನ್ ಯೆದೊಳ್‍ಚ್ ಇಸ್ರೋನ್ ತಯಾರ್ ಕೆಲಾ. ವ್ಯವಹಾರಿಕ್ ರಿತಿನ್ ಅಸಲಿಂ ಉಡ್ಡಾವಣಾಂ ಜಾತಾತ್ ದೆಕುನ್ ಹಾಚೊ ಸಂಖೊ ಚಡೊಂಕೀ ಸಾಧ್ಯ್ ಅಸಾ. ಹ್ಯಾ ಮಾರಿಫಾತ್ ಇಸ್ರೊಕ್ ಆರ್ಥಿಕ್ ರಿತಿಂನಿ ವ್ಹಡ್ ಮಟ್ಟಾರ್ ಲಾಭ್ ಜೊಡುಂಕ್ ಸಾಧ್ಯ್ ಅಸಾ ಮ್ಹಣ್ಚ್ಯಾಕ್ ದುಬಾವ್ ನಾ.

ಕಿತೆಂಯ್ ಜಾಂವ್, ಫುಡ್ಲ್ಯಾ ದಿಸಾಂನಿ ಬಾಹ್ಯಾಕಾಶ್ ಸಂಸೋಧ್ ಶೆತಾಂತ್ ಭಾರತಾಕ್ ಗುಮಾನ್ ಕರಿನಾಸ್ತ್ಯಾಂ ಸಂಸಾರಿ ರಾಷ್ಟ್ರಾಂಕ್ ಫುಢೆಂ ಚಮ್ಕೊಂಕ್ ಸಾಧ್ಯ್ ಜಾಂವ್ಚೆ ನಾ. ಸಕ್ತೆವಂತಾಂಚೊ ಸಾಂಗಾತ್ ಅಪ್ಣಾಂವ್ಚ್ಯಾಕ್ ದುಸ್ಮಾನಾನಿಂ ಸಯ್ತ್ ಪ್ರೇತನ್ ಕರ್ಚೆಂ ಪ್ರಕೃತೆಚೆಂ ನಿಯಮ್. ಸ್ವತಂತ್ರ್ ಮೆಳೊನ್ ಸಾತ್ ಧಾಕ್ಡೆ ಉತರ್ಲ್ಯಾರೀ ಉಜ್ವಾಡ್ ಫಾಂಕಾನಾತ್ಲೆಂ ಜಾಯ್ತೆ ಕ್ಷೇತ್ರ್ ಭಾರತಾಂತ್ ಜಾಯ್ತೆ ಅಸಾತ್. ಸಮಾಜೆಂತ್ ಕುರ್ಡಿ ಪಾತ್ಯೆಣಿ, ಅನಾಚಾರಾಂಕ್ ಪರ್ವಣ್ಗಿ ದಿಂವ್ಚಿ ವಿಶೇಸ್ ಪ್ರೇತನಾಂ ಚಲ್ತೆ ಅಸಾತ್ ಮ್ಹಳ್ಳೆಂ ಪಾಟ್ಲ್ಯಾ ಥೊಡ್ಯಾ ತೆಂಪಾಥಾವ್ನ್ ಹಾಂಗಾ ಘಡ್ಚ್ಯಾ ಘಡಿತಾಂ ಥಾವ್ನ್ ಕಳೊನ್ ಯೆತಾ. ಪುಣ್ ಹ್ಯಾ ಸರ್ವಾಂಕ್ ದಾಂಬುನ್ ಧರುಂಕ್ ಬಲಿಶ್ಠ್ ವಿಗ್ಯಾನ್ ಆಮ್ಚ್ಯಾ ದೇಶಾಂತ್ ಅಸಾ. ಸಾಂಪ್ರಾದಾಯಿಕ್ ವಾದಿಂಚೊ ಕಠೀಣ್ ವಿರೋಧ್ ಅಸಾ ತರೀ ಸೋವಿಯಟ್ ಯೂನಿಯನ್ ಶೈಲೆಚಿಂ ಪಂಚವಾರ್ಶಿಕ್ ಯೋಜನಾಂ, ಕೃಶಿ ಶೆತಾಂತ್ಲೆ ಸಂಸೋಧ್, ಪಾಚ್ವಿ ಕ್ರಾಂತಿ, ಹವಾಮಾನ್ ಅಧ್ಯಯನ್, ಭಲಾಯ್ಕೆ ಶಾಸ್ತಿರ್... ಹೆಂ ಸರ್ವ್ ಭಾರತಾಂತ್ ಬಲಿಷ್ಠ್ ಜಾವ್ನಾಸಾ. ಜ್ಯೋತಿಷ್ ಅನಿ ಖಗೋಳ್ ಶಾಸ್ತ್ರಾಂಕ್ ಸಾಂಗಾತಾ ಮೆಳೊಂವ್ಚೆ ಪ್ರೇತನ್ ಮಟ್ವ್ಯಾ ಎಕಾ ವಿರಾಮಾ ಉಪ್ರಾಂತ್ ಪರತ್ ಸುರ್ವಾತ್ ಜಾಲಾಂ. ವಿಗ್ಯಾನಾಚಿ ಯಶಸ್ವಿ ಜ್ಯೋತಿಶಾಚಿ ಮೂಳ್ ಮ್ಹಳ್ಳೊ ವಾದ್ ಪ್ರಸಾರ್ ಜಾತೆ ಅಸಾ. ಪುಣ್ ಕಿತೆಂಯ್ ಅಸೊಂ ಕಾಳೊಕ್ ಕಿತ್ಲೊ ಅಸ್ಲ್ಯಾರೀ ಥಂಯ್ ಉಜ್ವಾಡ್ ಫಾಕಂವ್ಚಿ ಶಾತಿ ವಿಗ್ಯಾನಾಕ್ ಅಸಾ. ವಿಗ್ಯಾನಾಕ್ ಲೊಕಾಮೊಗಾಳ್ ಅನಿ ಲೊಕಾಕ್ ಉಪ್ಕಾರಿ ಜಾವ್ನ್ ಪರಿವರ್ತಿತ್ ಕರ್ಚೆಂ ನಿರಂತರ್ ಪ್ರೇತನ್ ಕರ್ಚ್ಯಾ ಇಸ್ರೋಕ್ ಅಭಿನಂದನ್ ಫಾವೊ.

Tags: ISRO, PSLV, 20 satellites, Konkani, Mangalore, Mangalorean, Mother Tongue

From around the world

ಭಾರತ್ ಉಬ್ತೆ ಅಸಾ, ವಿಗ್ಯಾನಾಚೆ ಪಾಕಾಟೆ ಧರುನ್...

User Rating

0 Comment/s.

Post your comments

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

'ಪದ್ಮಶ್ರೀ' ಪ್ರಶಸ್ತಿ ಜೊಡ್ಲಲೊ ಅಕ್ಶರ್ ಸಾಂತ್ - ...

ಹೆರೊಲ್ಪಿಯುಸ್: ಏಕ್ ಅವ್ಚಿತ್ ಭೆಟ್...

ಯುವಜಣಾಂಕ್ ಪ್ರೇರಣ್ - ಜೆಸ್ಸಿಕಾ ಆನ್ನಾ ಲಿಝಾ...

ಆಸ್ತ್ ........

ಭಾರತಾಚಿಂ ಖಬ್ರೆ ಟಿವಿ ಚಾನೆಲಾಂ ಮರಣ್ ಪಾವ್ಲ್ಯ...

ನಾಂವ್ ಬದಲ್ಲ್ಯಾನ್ ಗಾಂವ್ ಬದಲ್ನಾಂ...!...

ಮಂಗ್ಳುರ್‌ಚೊ ಖ್ಯಾತ್ ಗ್ರಾಫೊಲೊಜಿಸ್ಟ್, ಸ್ಟೇ&...

ನಗೊರೊ - ಜಪಾನಾಂತ್ಲೊ ವಿಚಿತ್ರ್ ರಿವಾಜೆಚೊ ಬಾವ್...

ಮೊಂತಿ ಫೆಸ್ತ್ ಫರಂಗಿಪೆಟ್ ಮೊಂತೆಮರಿಯಾನೊ ಕೊವ&...

ಕೆನಡಾಂತ್ 'ನವೊ ಭರ್‍ವಸೊ' ನವೆಂ ಪದ್...

ನಾಮ್ಣೆಚೊ ಕೊಂಕ್ಣಿ ಸಾಹಿತಿ ಹೆರೊಲ್ಪಿಯುಸ್ ಅಂತರ್...

ಸಾಮಾಜಿಕ್ ಜಾಳಿ ಜಾಗ್ಯಾಂನಿ ಆಮ್ಚೆ ವೈಯುಕ್ತಿಕ್ ವ್...

ಹೆಲಿಕಾಪ್ಟರ್ ಮನಿ...

ಕಾಜಾರ್ ಕೆದಾಳಾ..?...

ಕಾಜಾರಾಕ್ 'ವೊಜೆಂ ಬಾಂದ್ಚೆಂ'...

'ವಾಟ್ಸ್ಯಾಪ್ ಹಿಂಸಾ' ಥಾವ್ನ್ ಬಚಾವ್ ಕರಾ!...

ಪ್ರಾಯೆಸ್ತಾಂಚೊ ಸಾಂಗಾತಿ - ಸ್ಮಾರ್ಟ್ ಫೋನ್...

ಪಾತ್ತ್ಯಾ ಪಾತ್ತ್ಯಾಂಚೆ ಜೀನ್ಸ್...

ಟೆನ್ಶನ್ ಉಣೆ ಜಾಂವ್ಕ್ ಆಟ್ ಉಪಾಯ್...

Connect

Our Address
Mangalore

Our Address
Udupi

Our Address
Dubai